Ветры буйныя (1927)/IV/Ці-ж мне сёньня плакаць

← Сонэт

Ці-ж мне сёньня плакаць Верш Аўтар: Паўлюк Трус 1927 год

Скажы мне, любая, скажы →

Прапануем да спампаваньня!

ЦІ-Ж МНЕ СЁНЬНЯ ПЛАКАЦЬ…

I

Ў лузе вербалозы
Пахіліў мароз…
Ці-ж мне сёньня плакаць
Ў радасьці бяз сьлёз?!

Ці-ж мне над крыніцай
Журыцца ў бядзе? —
Калі песьня льлецца
Вольная з грудзей!

II

Пад акном бярозы
Зажурыў мароз,
Ці-ж мне з імі плакаць
У радасьці да сьлёз?!

Хай сьмяюцца вочы
Ў золаце далін, —
Буду апаўночы
Віць вянкі з калін!

III

Ў лузе вербалозы
Пахіліў мароз, —
Ды ня плачце-ж, вочы,
Ў радасьці бяз сьлёз!
Ой, ня плачце, бровы,
Буйнымі сьлязьмі, —
Вашу каляровасьць
Я не загубіў!

1925 г.