Веснапесьні (1929)/Марш «Адраджэньне»

← Места

Марш „Адраджэньне“ Верш Аўтар: Хведар Ільяшэвіч 1929 год

⁂ (Зьвініць… Шуміць… Гудзіць…) →

Іншыя публікацыі гэтага твора: Марш «Адраджэньне».

Прапануем да спампаваньня!

МАРШ „АДРАДЖЭНЬНЕ“.

Наперад мы ідзем
Аркестры б‘юць да сонца
У ходзе нашым — гарт,
У сэрцах нашых — вера.
Дзьвіною бураломаў,
Як-бы вясеньні шум…
Бясконца,
Наперад, гэй наперад!
Ці можа што ўстаяць
Прад бурай неўгамоннай,
Як валы акіян сваёю сілай мераць?
Мы — бура!
Мы — тайфун!
Мы — міліённы бунт!
Разгонна,
Наперад, гэй наперад!
Туды, дзе рвуцца путы
У звоне барацьбы,
Дзе крышацца лясы зімовых паняверак,
Руністы веснаход ламае ланцугі…
Бясспынна,
Наперад, гэй наперад!

1928 г.