Ваяка йдзець

Ваяка йдзець Аўтар: Змітрок Бядуля 1920 Крыніца: Беларусь, 1920. - №4(60) - с. 3

Прапануем да спампаваньня!

Ваяка йдзець,
У тахт пяець.
Малойцу гонар і павага.
Ваяка йдзець,
У тахт пяець.
Малойца мае шмат адвагі.

Ваяка йдзець,
У тахт пяець.
Бо кроў з край ён пралівае.
Ваяка йдзець,
У тахт пяець.
Для ўсіх ён долю здабывае.

Ваяка йдзець,
У тахт пяець.
Аж заглядаюцца дзяўчаты.
Ваяка йдзець,
У тахт пяець.
Малойца вельмі зухаваты.

Ваяка йдзець,
У тахт пяець.
Ён мае шмат гэройскай сілы.
За Беларусь
Ён бяз прымус
Знаходзіць часам і магілу