Васількі

З пляцоўкі Вікікрыніцы
Jump to navigation Jump to search
Васількі
Верш
Аўтар: Юлі Таўбін
Крыніца: http://old.knihi.com/taubin/


      Людзі йшлі па плошчах гожых,
      Па праспектах гарадскіх...
      Ты на стыку ўсім прахожым
      Прадавала васількі.

      Людзі йшлі і праміналі,
      Не вярталіся ізноў...
      Ім нічога не казалі
      Зоркі-вочы васількоў.

      Толькі я, дзівак-паэта,
      Прыпыніўся і сачыў,
      Як пялёсткі з тых букетаў
      Асыпаліся ўначы.

      (1928, Варонеж )