Бяроза з лістом

З пляцоўкі Вікікрыніцы
Бяроза з лістом
Песня
Аўтар: [[Аўтар:|]]
Крыніца: http://knihi.com/Bielaruskija_narodnyja_piesni/Biaroza_z_listom.html

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Бяроза з лістом
Усю восень шумела:
- Мая бяроза, мая белая!
Як жа мы расстанемся?
- Ты мой лісточак,
Ты мой зялёны,
Так мы расстанемся:
Ветры павеюць,
Лісток абвеюць,
А я застануся.
- Не бойся, бяроза,
Не бойся, белая!
Я ж цябе не пакіну.
Цяпер я ападу,
А вясной прыйду,
З табой шумець буду.
Мамулька з дачкой
Усю ночку гаварыла:
- Мамулька ж мая родная!
Як жа мы расстанемся?
- Сваты прыйдуць
І цябе вазьмуць,
А я застануся.
- Мая мамулька,
Мая родная!
Я ж цябе не пакіну:
Хоць замуж пайду,
Я ў госці прыйду,
З табой гукаць буду.