Блізка мэта

Блізка мэта Верш Аўтар: Міхась Васілёк 1926 Крыніца: Вершы. - 1973. — с. 31

Прапануем да спампаваньня!

Далеч сіняя бясконца,
А ў той далі — мэта, сонца!

Срэбрам ззяюць
Ніўкі збожжа,
Нас вітаюць —
Як прыгожа!

Хоць далёкі шлях-дарога,
Камяністы — млеюць ногі, —

Будзь вясёлым!
Выйдзем з долу,
Торбы скінем,
Адпачынем.

Бачыш, браце, — перад намі
Свеціць сонца над шляхамі!

У праменнях
Наш палетак,
Стомы меней —
Блізка мэта!

1926