Барвенак (1924)/Чары каханьня/Песьня

← Пакахаў я

Песьня Верш Аўтар: Алесь Гурло 1924 год

⁂ (Я вянок спляту) →

Іншыя публікацыі гэтага твора: Песьня (Гурло).

Прапануем да спампаваньня!

ПЕСЬНЯ.

Цьвіце пекна каліначка
Белым-белым цьветам;
Выйдзе замуж дзяўчыначка
Гэтым цёплым летам…

Адцьвіла ўжо каліначка,
Ўсю красу згубіла;
Вышла замуж дзяўчыначка
І душой заныла…

Прашло лета, ў каліначкі
Лісьце паапалі;
У гэту пору дзяўчыначку
Маладу схавалі…

А вясною над магілай
Вырасла каліна,
Каб па тэй красе-дзяўчыне
Была успаміна…