Барвенак (1924)/Чары каханьня/Перад сном

← Сягоньня я шчасьцем палаю

Перад сном Верш Аўтар: Алесь Гурло 1924 год

Учора →

Іншыя публікацыі гэтага твора: Перад сном.

Прапануем да спампаваньня!

ПЕРАД СНОМ.

Што пасуліць ноч сягоньня,
Што прысьніцца мне у сьне?
Звоняць ў сэрцы зычна звоны
І кудысь завуць мяне…

Я ляту на крыльлях мараў
У знаёмы, блізкі край,
Каб напіцца ласкі чараў…
Ў мысьлях бачу шчасьця рай

Вось абоймы, пацалункі
І прыветны вуснаў зык…
Эх, прыгожыя малюнкі,
Эх ты, сэрца звонкі крык!

І дрыжыць струна надзеі,
Ўсё зычней, галосьней звон…
Што-ж сягоньня мне навее,
Што раскажа ноччу сон?..