Барвенак (1924)/Чары каханьня/Краса-дзяўчынка

⁂ (Краса-дзяўчынка)
Верш
Аўтар: Алесь Гурло
1924 год

Іншыя публікацыі гэтага твора: Краса-дзяўчынка, стан прыгожы…

Прапануем да спампаваньня!

∗ ∗
∗

Краса-дзяўчынка, стан прыгожы —
Не апісаў-бы і поэт,
А твар яе — як кветка рожы;
А губкі, нібы макаў цьвет…

Як уздыхне ці засьмяеша,
Альбо гамонку завядзе —
Аж разрывае грудзі сэрца,
Канец надойдзе ўсёй-нудзе…

Але злы лёс ці дух варожы
Ўсім шчасьця роўна не дае:
Усё, што міла і прыгожа —
Яно чужое — не мае…