Барвенак (1924)/Хараство прыроды/Усход сонца

← Навальніца

Усход сонца Верш Аўтар: Алесь Гурло 1924 год

Пасьля буры →

Іншыя публікацыі гэтага твора: Усход сонца (Гурло).

Прапануем да спампаваньня!

УСХОД СОНЦА.

Сьцішна вецер падзьмуў
З мора вольнага,
І туман агарнуў
Шыр прасторную;

Луг наўкол зашаптаў
Байкай-казкаю,
І усход зазіяў
Дзіўнай ласкаю;

Зелянеюць палі
Пад праменьнямі,
Поўны скібы ральлі
Цьветам-зельлямі;

Засьпяваў салавей
Звонкім голасам,
І запахла з палей
Сьпелым коласам…

1910 г.