Байкі, гумар, сатыра (1928)/Байкі/Выбарнае начальства

← Дуб і гарбуз

Выбарнае начальства Байка Аўтар: Іван Крылоў 1928 год Арыгінальная назва: ru:Мирская сходка (Крылов) Пераклад: Баляслаў Друцкі-Падбярэскі

Ваўкі і оўцы →

Іншыя публікацыі гэтага твора: «Выбарнае» начальства (Крылоў/Друцкі-Падбярэскі).

Прапануем да спампаваньня!

„Выбарнае“ начальства.

Воўк неяк за пратэкцыяй лісіцы,
Якая сябравала з самай львіцай,
Прасіў ў Льва-Цара
Яго назначыць старастай авечага двара.

Аднак, дзеля таго, што кандыдат
Ня надта добрай славай карыстаўся,
Леў выдаў свой загад,
Каб сход скаціны ўсей сабраўся.
Бо ўжо і між зьвяроў

Пануе нашых дух часоў:
Рашае большасьць галасоў.
Дык вось, на сходзе й леў,
Даведацца аб тым хацеў,
Якую большасьць воўк:
Ці за сябе, ці проці меў.

І вось — сабраўся сход.
Спрачаецца, шуміць народ,
(Вядома, як на кожным сходзе),
Аба ўсім ідзе тут мова,
Аднак проці ваўка ні слова
Ніхто не выказаў ў народзе.
Авечкі тут-жа згрудзіўшысь стаялі,
Уздыхалі ды… маўчалі.
Зусім тады ня дзіва,
Што леў, ня чуючы ніякага спраціву,
Такі свой выдаў прыгавор:
Аддаць ваўку авечы двор!

---

Такі вось вынік сходу
Залішне часта ў нас бывае:
Што воўк дый „голасам народу“
Аўцам ў начальства пападае…

---