Гэта старонка не была вычытаная
— Папасьці хаця-б на рабфак,
Той дзень я лічыла-бы сьвятам,
Ды ўсё не забыцца ніяк;
Мінулага моцныя краты.
Што-тыдзень наведвай ЧК,
I ў сэрцы з трывогаю мутнай,
Заявіш: — прышла. І рука
Адзначыць у сьпісе прысутнасьць.
Калі-ж гэта пропадам згіне,
Ня будзе дакорам труціць
У новым, інакшым жыцьці
Падзеяў былых павуціньне?..
Такіх вось пытаньняў ня мала
Ўзьнімала Марыля ня раз.
І часта шукала адказ
У кнігах, што пераплятала.
11
Яны ў дваіх…
Пакой,
Як скрыня.
Дым вісіць дугою.
Тут гандлюе гаспадыня
Чыстаю ханжою.
А калі яшчэ прыкінеш
Лішака на „пушку“,
Маладая гаспадыня
Дасьць і саматужкі…
