Śpieŭnik (1937)/Oj, u lesie pry dalinie

← Wiecier chodzić

Oj, u lesie pry dalinie Беларуская народная песьня 1937 год

Jak pahnała stara baba →

Іншыя публікацыі гэтага твора: Ой, у лесе пры даліне.

Прапануем да спампаваньня!

OJ, U LESIE PRY DALINIE

Oj, u lesie pry dalinie,
U nas stałasia biada:
Hej, hej ŭ lesie, ŭ lesie
U nas stałasia biada.

Pry dalinie, u huščary
Kałychalisia kamary.

Dub da duba pachiliŭsia —
Kamar z dubu zwaliŭsia.

Pabiŭ kamar patylicu
Ab dabowu karynicu.

Oj, pabiŭ kamar baki
Ab dubowyja suki.

Dy pabiŭ kamar kaleni
Ab dubowyja kareni.

Wysypalisia ŭsie zuby
Dy z kamarykawaj huby.

Lacić mucha ratawać,
Zimnaj wadoj adliwać.

Kamaročku, rodny bracie,
Jak żaż ciabie ratawaci?

Pasyłajcie da apteki,
Ci nia budzie trochu lepiej

U balnicu zawiazicie
I mianie tam pałażycie.

Tam dobryja dachtary
Wymuć dušu biez pary.

Kamaročku, rodny bracie,
Dzie-ż mnie ciabie pachawaci?

— Nie chawajcie pry dalinie
Bo wyryjuć mianie świńni.

Nie chawajcie kraj darohi,
Bo dratawać buduć nohi.

Pachawajcie ŭ ciomnym lesie
Pry zialonieńkim haresie.

Buduć harechi ščypać
Kamaryka ŭspaminać.

A dy čyj-ża heta pomnik,
Ci major tut, ci pałkoŭnik?

Ni major tut, ni pałkoŭnik
A sam kamar-supakojnik.