Čyžyk biełaruski (1912)/Nichto maich nia znaje śloz

З пляцоўкі Вікікрыніцы
⁂ Choć ceły-b dzień ciabie śmiech braŭ… Nichto maich nia znaje śloz
Верш
Аўтар: Гальяш Леўчык
1912 год
⁂ Usio pierachodzić, — ŭ dali zanikaje…
Іншыя публікацыі гэтага твора: Ніхто маіх ня знае сьлёз…

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Nichto maich nia znaje śloz…

Nichto maich nia znaje śloz,
Što ŭ sercy schowany hłyboka,
Próč rodnaj chaty tam — daloka,
Hdzie ja radziŭsia, biehaŭ, ros;
Hdzie šoŭ kascoŭ praz hory, doły
Zyk-zwon wiasioły.

Nichto maich nia znaje śloz,
Nichto majej nia znaje doli,
Aproč krynicy tej — u poli,
I wierbaŭ sumnych, i biaroz,
Stareńkaj hrušy u sadočku,
Starych klanočkaŭ.

Nichto maich nia bačyŭ śloz,
Nichto nia znaŭ mianie u niadoli…
Aproč tej pasieki pry poli,
Aproč reki, płytoŭ i łoz,
I tej darožki, što pry rečce
Šnurkom placiecca.

Nichto nia znaje… proč mahil,
Što traŭkaj-mocham zarastajuć,
Što stolki sumnych dum chawajuć
Niazbytych dum, prapaŭšych sił…
Dzie ždže mianie dzierna ŭzhor čysty
Na son wiačysty…

Waršawa 1909.