Chrystos uwaskros!

З пляцоўкі Вікікрыніцы
Перайсці да навігацыі Перайсці да пошуку
Chrystos uwaskros!
Верш
Аўтар: Фларыян Чарнышэвіч
1911 год
Крыніца: Газэта «Наша Ніва», № 14, 7 красавіка 1911 г., б. 2
Іншыя публікацыі гэтага твора: Хрыстос уваскрос! (Чарнышэвіч)

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!





Chrystos uwaskros.


Chrystos Ŭwaskros! Šumiać lasy,
Pryroda, radaściu adzieta,
Paŭna prywolnaje krasy
I prosić świeta, bolej świeta!

Dawoli ćmy! Zijajuć zory,
Nastanie dzień—ni stanie śloz…
Ustańcie ludzi, zbudźcie hore,
Chrystos Ŭwaskros!..
Chrystos Uwaskros!

Chrystos Ŭwaskros!!!
Ruččy biahuć
Miž hor i kociacca ŭ daliny,
A dumki wolnyje latuć
Ad snu, katorym śpiać niziny,

Pawiejaŭ wietryk ciopły ŭsiudy
I štoś pryrodzi jon prynios;
Wiasnu spatkajcie śmieła, ludzi!..
Chrystos Ŭwaskros!
Chrystos Uwaskros!

Chrystos Ŭwaskros!
Duša balić
I rwiecca radasna tak serce!
Nia chočeš śloz… Žadaješ žyć.
Huduć zwany:—Nia budzie śmierci!

Braty, zapiejmo pieśniu woli,—
Dawoli ździeku, hora, śloz!
Čekajmo ščascia j lepšaj doli!
Chrystos Ŭwaskros!
Chrystos Ŭwaskros!


F. Černyšewič.