Гэта старонка была вычытаная
БЕЛАРУСКІ НАРОДЗЕ!
| Шмат вякоў Ты у чужацкай няволі, шмат крыўды і зьдзеку перанес Ты многапакутны народ. Чужынцы правілі на тваёй зямлі, а Ты, гаспадар нашай Бацькаўшчыны, быў парабкам. Чыя нага не таптала Тваіх ніваў, чыя рука не руйнавала Тваіх хат! А Ты моўчкі зносіў крыўды, цярпліва чакаў лепшых дзён. Лепшыя дні пачаліся: наш прыяцель — Начальнік Польскай Рэспублікі — Язэп Пілсудзкі — даў згоду прадстаўніком Тваім, каторыя ў імені Тваім, Беларускі Народзе, працуюць на супольную нашу карысьць, — згоду на формаваньне аружнай сілы — Беларускага Народнага Войска. Волю, свабоду, незалежнасьць непадзельнасьць нашай Бацькаушчыны — Беларусі мы можам зрабіць сягоньня -аружнай сілай нашых сыноў, нашых братоў, любячых сваю родную зямельку. Ворагі нашы бальшавікі — маскоўцы і маскоўскія гэнэралы — |
Дэнікіны націскаюць на нашую зямельку: яны хочуць завясьці у нашым краі свае маскоускія парадкі. Бойцеся браты-беларусы гэтых парадкаў! Зьдзек і няволю прынясуць яны нам. Толькі тады, калі мы самі парупімся аб сваёй долі, толькі тады, калі з аружжам у руках мы абаронім сваю Бацькаўшчыну ад чужынцаў, тады толькі мы можам пабудаваць свае лепшае сьветлае жыцьцё. Нашыя месты Магілеў, Вітэбск і Смаленск да гэтага часу знаходзяцца у чужацкай няволі. Трэба вызваліць іх! Трэба выгнаць нашых заклятых ворагаў з нашай зямлі! Нашая Маці-Беларусь павінна быць Вольнай, Непадзельнай і Незалежнай!' Браты Беларусы! Хто можа з вас трымаць стрэльбу ў руках — станавіцеся ў рады нашага Беларускага Народнага Войска для абароны нашай Бацькаушчыны! Моладзь наша краса и надзея! Завем цябе у беларускае войско! Бацькаўшчына наша заве сваіх верных сыноў. |
БЕЛАРУСКАЯ ВАЙСКОВАЯ КАМІСІЯ.
