Піонэрская восень (Маракоў)
(Пасля перасылкі з Піянерская восень (Маракоў))
| Піянерская восень Верш Аўтар: Валеры Маракоў 1925 Крыніца: Беларус. піянер. – 1925. – № 11. – С. 8. |
Прапануем да спампаваньня!
Хай восень плача, вецер стогне,
I хмары сцелюць цемрай дол —
Мы пiянерскi сцяг сягоння
З табой узнiмем, Камсамол!
I нашы песнi юнай рацi
Запаляць чырванню блакiт,
I ясным сонцам кожнай хаце
Адчыняць новыя вякi.
Мы праз навуку шлях праложым,
Дзе ззяе свет — душа гарыць,
Нiхто спынiць ужо не зможа
Юнацкай вольнай грамады.
Хай восень плача, вецер стогне,
I хмары сцелюць цемрай дол —
Мы пiянерскi сцяг сягоння
З табой узнiмем, Камсамол!