Нашто нам дым выядае вочкі?…

З пляцоўкі Вікікрыніцы
Jump to navigation Jump to search
Нашто нам дым выядае вочкі?…
Песня
Аўтар: Ян Чачот
Крыніца: http://bk.knihi.com/cacot/cacot5.html


Нашто нам дым выядае вочкі?
Нашто нам дым марае сарочкі?
Нашто нас дым, дзеткі мілы,
Гоніць з дому да магілы?

Ой, нашто, нашто?
Нім гаспадыня хату нагрэе,
Сама пры печы ўся скалее,
Дзеткі у кутку скалеюць,
Бедныя, чорны хварэюць, -

Ой, нашто, нашто?
Ой, нашто сядзім мы, як у норы,
Ой, нашто у хаце, як у аборы?
Гусі, свінні і цяляты -
Нездароўя поўна хата, -

Ой, нашто, нашто?
Чы ёсць у нас і шкло і гліна?
Чым мы не можам вывесіць каміна?
І ў светлае аконца
Упусціць мілае сонца?

Чы не можам, чы?
Чы не можам і для скацінкі
У сенях цёплай мець прыадрынкі,
Чы хлеўчыка, чы каморы,
Ды не жыць з ёю ў аборы

Чы не можам, чы?
Ой, можам, можам, толькі не знаем,
Колька у хаце заразы маем
Ад усялякай нечыстосці,
Без коміна і святлосці, -

Божа! Дай нам знаць!