Годзі цярпеці! (кірыліца)

Годзі цярпеці! Верш Аўтар: Вінцэнт Лемеш 1917 год Крыніца: Часопіс «Гоман» (Вільня), 1917, № 10 (102), 2 лютага, б. 2

Іншыя публікацыі гэтага твора: Годзі цярпеці!

Прапануем да спампаваньня!

Годзі цярпеці!

Годзі марнеці!
Годзі цярпеці!
Годзі чужацкай няволі!
Хочэм мы жыці,
Праўду тварыці,
Хочэм мы лепшае долі.
Нас марнавалі,
Нас катавалі—
Літву, Беларусь, Украіну;
Жыць не давалі,
У турмы саджалі
За мову, за родну краіну…
Годы ляцелі,
Усё мы цярпелі,
Ждалі ўсё лепшай часіны.
Вось і прыждалі:
Сьвету сказалі,
Што мы жывем і жыць будзем!

Вінцук Лемеш.

---