Гэта старонка была вычытаная
89 59. ОЙ, ЧАМУ НЕ БЫЎ
— Ой, чаму не быў,
Чаму не прыбыў
На мае заручыны?[1]
Ці дома не быў,
Ці каня не меў,
Ці маці не пусціла?
— А я дома быў,
Коніка карміў,
Мяне маці выпраўляла.
Ё ў мяне сястра,
Лет не дарасла,
Яна ж мяне не пусціла:
«Не едзь, братнейка,
Не едзь, родненькі,
У чужыя людзі далёка.
Там ты увап’ешся,
З каня звалішся,
З цешчухнай пасварышся.
Ай, людзі будуць
Усё прымячаці,
Для цябе смяяціся:
Ай, чый ета сын
Кастыр-п’яніца
Па двару валяецца?
Ай, гэта жа сын
Кастыр-п’яніца
Ды Лявонаў сыночак!»
- ↑ Кожная страфа паўтараецца.
