Rodnyje zierniaty (1916)/II/Wiesna/Zaklikańnie wiasny

← Jak śnieh rastaje

Zaklikańnie wiasny Верш Аўтар: Якуб Колас 1916 год

Wiasnoj →

Іншыя публікацыі гэтага твора: Закліканьне вясны.

Прапануем да спампаваньня!

Zaklikańnie wiasny.

Ty prydzi, wiesna žadanaja, prydzi!
Hukam žyćcia, pieśniaj pracy zahudzi,
Na uzhorki na nizanački zirni,
Son trywožny, son naš ciažki razhani.
Ty niasi nam radaść, siłačku niasi,
Našu lenaść i niedbałaść atrasi.
Ty laci na kryllach wyraja skarej,
Abmachni ciapłom pachiłych, abahrej;
Naše žyćcie, našu dolačku pabač, or
Nad žytami ciopłym doždžykam zapłač,
Prakacisia hromam-muzykaj ŭ hary;
Ty idzi, niasi cudoŭnyje dary,
Kab ŭzbahacieŭ dobrym zasiewam naš Kraj,
Ty prydzi, ŭ adzin ton z nami zaśpiewaj,
Ŭskałychni ty struny serdeńka žywiej,
Kab było nam žyć na świeci wiesialej.
Ty prydzi da nas, žadanaja, prydzi,
Raskaturchaj našu dremu, abudzi!

Raskaturchaj — znače rastrasi, razwiej, razhani.