Z rodnaha zahonu (1931)/V/Ščabiačy, saławiejka

← Pry kałyscy

Ščabiačy, saławiejka Верш Аўтар: Андрэй Зязюля 1931 год

Z sučasnych matywaŭ →

Іншыя публікацыі гэтага твора: Шчабячы, салавейка.

Прапануем да спампаваньня!

ŠČABIAČY, SAŁAWIEJKA.

Ščabiačy ty, saławiejka,
U zialonym haju,
Kali rodnaja siamiejka
Siracieje ŭ kraju.

Kali horka ślozy ronić
Matuchna pa synu,
Chaj twoj śpieŭ tuhu razhonić,
Chaj niadola zhinie.

Kali dzietki prosiać taty,
Kab išoŭ da domu,
Dzie hrymiać usio harmaty,
Lhi niama nikomu.

Kali rodnaja siastryca,
Molicca za brata…
Ci nia hodzie ślozam licca, —
Chaj nastanie świata!

Ščabiačy ty, saławiejka,
Piej ab supakoju,
Jak čulliwaja žalejka
Ranicaj cichoju.

Zaliwajsia świstam-pieśniaj,
Cieš matulu, žonku,
Cieš sirotak, što baleśnie
Tužać biazumoŭku.

Ščabiačy ty na świtańni,
Jak uzyjdzie sonca,
Chaj chutčej spakoj nastanie,
Ŭ rodnieńkaj staroncy.