Dziwien Dniepr i pry ciopłaj letniaj nočy, kali ŭsio zasypaje i čeławiek, i źwier, i ptuška, a Boh adzin wlalmožna aziraje niebo i ziamlu i zwažna stresaje šatu. S šaty syplucca zorki, zorki harać i mihciać nad świetam i ŭsie razam adbiwajucca ŭ Dniepry. Usich ich trymaje Dniepr u ciomnych hrudziach swaich; niwodnaja nie ŭciače ad jaho — chiba zhaśnie na niebi. Ciomny les, adzietyj śpiačymi waronami, i koliś razłomlenyje hory, nachinuŭšysia, dužacca choć doŭhaj zasieńniu swajej zakryć jaho, — darmo! nima ničoha ŭ świeci, što mahło-by pakryć Dniepr. Sini-sini chodzić jon roŭnaj pawodkaj i siarod nočy, jak siarod dnia, bačny za hetulki ŭ dal, za skolki može bačyć čeławiečaje woka. Łaščačysia i tulačysia bližej da bierahoŭ ad načnoha choładu, daje jon pa sabie srebnuju wakorynu, i jana pałyskujecca, bytcym lazo damascenskaj šabli, a jon, sini, iznoŭ zasnuŭ. Dziwien i tady Dniepr, i nima roŭnaj jamu raki ŭ świeci.
Kali-ž pojduć horami pa siniamu niebu chmary, čorny les kiwajecca da kareńnia, duby treščać, i małanka, lamajučysia miž chmar, raptam aświetlaje świet uwieś, — strašny tady Dniepr. Wadzianyje hory hrymiać udarajučysia ab skały, i s pienaj i rohatam adbiehajuć nazad, i plačuć i hałosiać ŭ dali. Hetak hałosić staraja kazača maci, prawodziačy swajho syna ŭ wojska: adwažny i mocny, jedzie jon na karym kani, padbočyŭšysia i załamaŭšy šapku; a jana, płačučy, biažyć za im, chapaje jaho za stramiony, łowić cuhli i łamaje nad im ruki i zaliwajecca haračymi ślezami.
Dniepr.
Blizka ŭsia Mahiloŭskaja hubernia stanowić dalinu Dniepra, katory ŭ Mahiloňščynie pryjmaje ŭ siabie 97 rek i 152 ruččy. Samy najbolšy prytok Dniepra ŭ Mahiloŭščynie heto reka Sož. Sož pryjmaje ŭ siabie 88 rek i 245 ruččoŭ, tak što Mahiloŭščyna — samaja bahataja z biełaruskich ziamiel ruččami i rečkami, bo ŭsiaho naličajuć ich tut zwyž tysiačy. Dniepr praciekaje pa Mahiloŭščynie 410 wiorst. Da miastečka Škłowa Dniepr ciače ŭ ciesnych i prytkich bierahoch, a kala Oršy bierahi Dniepra — heto hołyje piesčanyje skały. Lewy bierah wyšejšy za prawy, ale ad Oršy, dzie reka pawaračywaje na pałudzień, prawy bierah stanowicca wysokim, a lewy — pałohim. Najbolšaja šyrynia Dniepra ― 160 sažnioŭ, ale wiasnoj jon razliwajecca časam na 15 wiorst. Praz Minščynu Dniepr praciekaje 230 wiorst i pryjmaje ŭ siabie Biarezinu ŭ Prypiać.
Biarezina ŭ Minščynie praciekaje 590 wiorst. U dalinie Bia-
