|
Дзе вы, хлопцы непакорные,
Дзе вы з песьняй удалою,
Як на поле, на прасторнае
Вы хадзілі грамадою?
Ці пашлі вы у далёкую
У старонку, у чужую;
Ці ляглі вы, адзінокіе
У магілку, у сырую?
Дзе вы, песьні, дзе свабодные?
Дзе ваш одгалас магучы,
Як вы звалі сыны родные
Да тэй працы, да кіпучай?
Ці замёрлі вы нячутымі
Серад лесу, серад поля;
Ці і вас скавалі путамі,
Ці і вас змагла няволя?
Гэй, ня відна друга сільнаго,
— Сьпіць. Хто-ж сон яго ўстрывожэ?
Гэй, ад енку, ад магільнаго
Песьня вырвацца ня можэ!..
|
