Smyk biełaruski (1908)/Pieśni/IX

IX. Pieśnia
Верш
Аўтар: Францішак Багушэвіч
1908 год

Іншыя публікацыі гэтага твора: Песьня (Весяліся, рві з капыта…).

Прапануем да спампаваньня!

IX. Pieśnia.

Wiesialisia, rwi z kapyta,
Bo šancuje, bałazie;
Jak nia stanie ŭ swirnie žyta,
Mielnik muki padwiazie!
Pan zapłacie za rabotu,
A nakormie łasa žyd:
Tancuj sabie choć da potu,
Pij harełku na kradyt!…
Kasa skosie sianažatku,
Šniur sama sacha zhare;
Tancuj sabie da upadku,
Tancuj, poki smyk dziare!
Barana ŭsio zawałoče,
A pasieje wiecier sam;
Niechaj pieklicca, chto choče,
A ty śpiewaj: „tratatam“!…
Jość siakierka, — buduć drowy,
Namałocie i sam cep…
Wypij, wypij, budź zdarowy!…
„Aby huba, — budzie chleb“.
Koń adbudzie i padwodu,
Napasiecca dasyta,
Tyž światkuj swaju swabodu,
Śpiewaj sabie „tratata“!
Kiń žuricca, haspadaryć!
Ziamla rodzie i biaz nas;
Lepiej walcu dawaj žaryć:
Na rabotu budzie čas!
Pan zapłacie za rabotu,
A nakormie łasa žyd;
Tancuj sabie choć da potu,
Pij harełku na kradyt!