Płač Biełaruskaj Staronki Matki pa dzietkach swaich renehatach/Ja ŭ staradaŭnaj Biełaruskaj stalicy, na ŭzwyššy Połackaha zamku

З пляцоўкі Вікікрыніцы
Idu ja da Carkwy-Kaścioła Ja ŭ staradaŭnaj Biełaruskah stalicy, na ŭzwyššy Połackaha zamku
Верш
Аўтар: Уладзіслаў Казлоўскі
1930 год
Ja ŭ Wilni na zamkawaj wiežy

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Ja ŭ staradaŭnaj Biełaruskaj stalicy, na
ŭzwyššy Połackaha zamku:

Kaliś woś tut zamak stajaŭ nad Dźwinoju
i horda hladzieŭ jon pa ŭsiej staranie,
i byŭ jon mahutny, nad ŭsiej staranoju
stajaŭ, staražyŭ jon ziamielki swaje.
I wolna hudzieŭ tady zwon na Safii,
sklikajučy wieča z usich wałaścioŭ,
i hołasu słuchaŭ jaho hramadzianin:
prychodziŭ, kazaŭ i druhich słuchaŭ słoŭ.
Ciapier štości sumna tak zwon toj zawodzić
maŭlaŭ u mahiłu prawodzić kaho,
i duchi jakijaś tam jduć u pachodzić
i štości pytajuć adzin u adnaho.
A wiedaješ, zły i nia dobry moj bracie,
jaki tam pachod hetak sumna idzie?
Dyk słuchaj, niahodny i zły renehacie:
Krywickija prodki tak jduć ŭ hramadzie.
Jany tak iduć hetym sumnym pachodam,
chawajučy sławu swaich prabaćkoŭ
i usio narakajuć na tych renehataŭ,
na złych i nia dobrych, choć rodnych, bratoŭ.
Iduć i pytajuć adzin u druhoha:
Jak docha jšče budzie Staronka ŭ biadzie?
Dakul renehataŭ u Joj budzie tak mnoha,
kali-ž Joj tut ščaścia pramieńčyk ŭzyjdzie?
A zwon na Safii tak sumna zawodzić
i hołas jaho jdzie pa ŭsiej Staranie,
a hołas zwana taho z płaču pachodzić,
iz płaču Krywickaj Staronki ŭsiaje.