Kastuś Kalinoŭski, «Mužyckaja Prauda» i ideja Niezaležnaści Biełarusi (1933)/I
| I. Ideowaja łučnaść miž aktam 25.III.18 h. i pracaj K. Kalinoŭskaha 1862—1864 h. Гістарычная праца Аўтар: Адам Станкевіч 1933 год |
II. Miesca K. Kalinoŭskaha ŭ nawucy → |
Прапануем да спампаваньня!
| I. | Ideowaja łučnaść miž aktam 25.III.18 h. i pracaj K. Kalinoŭskaha 1862—1864 h. |
Sławami, jakija źmieščany na pačatku hetaj pracy, słaŭny narodny baraćbit naš Kastuś Kalinoŭski raźwitwaŭsia z biełaruskim narodam u wadnym z pradśmiertnych swaich listoŭ, pisanych u wastrozie niezadoŭha prad swajej śmierciaj. (Giller — Historja powstania 1863 r. t. l, 176 i nast. u dapisku). U piśmie hetym, jak bačym, Kalinoŭski žadaje, kab biełaruski narod, za jaki chutka mieŭ jon złažyć žyćcio swajo, pomniŭ ab im, za što z swajho boku pryrakaje tak-ža ab hetym narodzie pomnić i nawat adhuknucca z taho świetu.
Pradśmiertnuju wolu wialikaha baraćbita našaha, światkujučy ŭračysta hety jubilej, spaŭniajem jak naležycca. Siańnia światkujem 15-yja ŭhodki abwieščańnia niezaležnaści Biełarusi, a razam z hetym i 70-yja ŭhodki pieršaj biełaruskaj časopisi „Mužyckaja Praŭda“, redaktaram i wydaŭcom jakoj byŭ Kastuś Kalinoŭski (Kapскiй — Белоруcсы III, 3, 83—86, Giejsztor — Pamiętniki I 370—371). Łučačy hetyja dwa jubilei ŭ wadzin i razam ich siańnia światkujučy, ni adnaho z ich nie pamianšajem, a naadwarot — pawialičwajem, bo dapaŭniajem. Toje ŭsio, čaho swajej pracaj ahułam, a pradusim „Mužyckaj Praŭdaj“, a tak-ža i śmierciaj swajej dakanaŭ K. Kalinoŭski dla biełaruskaha narodu siemdziesiat hadoŭ tamu, zmahajučysia za wolu i dolu hetaha narodu, — akt abwieščańnia niezaležnaści Biełarusi 25.III.18 padabraŭ, zharnuŭ u cełaść, prykrasiŭ, dapoŭniŭ i wyraziŭ jak jaŭnuju — užo sučasnuju — wolu, biełaruskaha narodu da wolnaha i samastojnaha žyćcia. Słowam, ziarnio, jakoje na biełaruskaj hramadzka-palityčnaj niwie pasiejaŭ Kalinoŭski, akt 25.III.18 zžaŭ, karystajučysia pładom henaha ziarniaci dla siaŭby dalejšaj. Jak bačym, sapraŭdy miž piatnaccatymi ŭhodkami abwieščańnia Biełarusi niezaležnaj i miž 70 uhodkami „Mužyckaj Praŭdy“ isnuje ideowaja łučnaść.