Janka Kupała. Raskidanaje hniazdo

Janka Kupała. Raskidanaje hniazdo Артыкул Аўтар: Францішак Аляхновіч Крыніца: Biełaruskaje žyćcio. — 5 čerwienia 1919. — №1

Прапануем да спампаваньня!

Kali ŭ swajoj «Paŭlincy» Kupała jak dramatyčny piśmiennik-realist, tak u «Raskidanym hniaździe» my bačym šmat symboliki. Asoby dramy - heta ŭžo nie narysawanyja z natury z niejkim karykaturnym macham ludzi, jak u «Paŭlincy», a uzhadawanyja paetam u hłubi jaho dušy personažy. Jany može mieniej realnyja ad pieršych, ale nia mieniej za ich praŭdziwyja. A užo zusim symboličnaja figura - Nieznajomy. Škada tolki, što aŭtor pierad tekstam dramy napisaŭ wielmi realnuju jaho charektyrystyku. Charakterystyki inšych asob patrebny, a hetaja apošniaja zusim lišniaja, dziela taho dziakujučy hetaj charakterystycy, aktor, jaki budzie jhrać hetuju rolu, moža padumać, što treba jaje jhrać z realizmam. Tady ŭsie słowy ab «Wialikim Schodzie», ab jakim kaža Nieznajomy, straciać swaju symboličnuju moc.

Naahul pjesa, kali jaje čytajem, robić wialikaje ŭražeńnie. S kožnaj stranicy wieje duch wialikaha mastaka. Asabliwa charošyja sceny, ŭ jakich zjaŭlajecca Nieznajomy i scena, kali zwarjacieŭšaja Zośka piaje:

Wiecier ihraje, zorački skačuć,
Miesiac miž imi ład wodzie...

Zośka prywodzić nam u dumku Ofelju, ale Ofelju nia wyrezanuju žyŭcom z trahedyi Šekspira, a ŭzhadawanuju ŭ bielaruskaj wioscy, bosuju, u zrebnaj spadnicy i kašuli, z wiankom wasilkoŭ na haławie.

Kupała swaim „Raskidanym hniazdom" wyjawiŭ nowy rod swajej zdolnaści. I ŭsiak zhodzicca, što z usich našych paetaŭ u jaho dušy najbolej zwinić strun, što jaho tworčaść daje nam najpaŭniejšy akord biełaruskaj pryhožaj dumki