Dudka Biełaruskaja i Smyk Biełaruski (1930)/Smyk Biełaruski/Smyk

← Pradmowa

Smyk Верш Аўтар: Францішак Багушэвіч 1930 год

Udawa →

Іншыя публікацыі гэтага твора: Смык (Багушэвіч).

Прапануем да спампаваньня!

SMYK.

* * *

Och, dajcie-ž mnie smyk, —

Kab usiudy hraŭ!

Choćby sam ja źnik,

Aby hołas daŭ;

Kab toj hołas čuć

Pa usiej ziamli,

Hdzie ludzi žywuć,

Hdzie daŭniej žyli!

Wyjšaŭby ja ŭ haj, —

Čyk-čyryk duba,

Až jon hraŭby, znaj,

Jak taja truba,

Što pazwie na sud

Uwieś Božy lud...

U astatni čas

Pazawie i nas.

Chwojku-b paciahnuŭ,

Kab až bor pryloh,

Uwieś les sahnuŭ

U barani roh;

I zawyŭ-by jon,

Kab usio pačuŭ,

I naš žal i stohn

U bary-b łunuŭ!

Kab biarozku raz

Paciahnuŭ smykom

I na wiečny-b čas

Raŭła-b mužykom!

Kab až ziołački

Zaihrali-by,

Jak ščyhołački,

Zaśpiawali-by!

Jak smyčkom-by tym

Kamień začapić,

---

* * *

Dyk pajšoŭ-by dym...

„Kamień nie ściarpić!“

U žarstwu, piasok

Kab rassypaŭsia,

Kab daŭ hałasok

Až zachlipaŭsia!

Kab pačuŭ usiak,

Dy kab litaść mieŭ!

Kab ćwiordy raźmiak,

Kab miakki až mleŭ!

Och, kab mnie toj smyk,

Kab na sercach hraŭ, —

Z radaściaj-by źnik,

Aby hołas daŭ!...

---