Dudka Biełaruskaja i Smyk Biełaruski (1930)/Smyk Biełaruski/Kałychanka

← Harcuj, tancuj, panie

Kałychanka Верш Аўтар: Францішак Багушэвіч 1930 год

Wiesialisia, rwi z kapyta →

Іншыя публікацыі гэтага твора: Калыханка (Багушэвіч).

Прапануем да спампаваньня!

KAŁYCHANKA.

* * *

Luli, synok, luli-luli!

Usie kurački pasnuli,

Oj pasnuli i kurčatki

Pad kryłami swajej matki;

A ty čaho nia śpiš, synku,

Jak-by čuŭ lichu hadzinku?

Moža budzieš kali panam,

Ci wialikim kapitanam,

A jak matka pryjdzie ŭ hośc —

Oj to Budzie jej radości...

Siadzie matka ŭ kut na ławie,

---

* * *

Syn chleb-sol prad jej pastawie,

Ručki, nožki pacałuje,

Pamiłuje, paškaduje;

Pačastuje miadkom sytnym,

Blinkom miakińkim padsitnym,

Piražačkom i z načynkaj,^[1]

Wieraščakaj haračynkaj...

Luli, synok, luli, luli...

Bo ŭžo kurački pasnuli.

Ot to budzie rada matka, —

Choć i prostaja sałdatka,

A ŭsiaki šapku zdymie,

Jak daznajecca ab synie.

Luli, synok, luli, luli...

Bo ŭžo kurački pasnuli.

Moža budzieš kali panam,

Ci wialikim kapitanam:

Ludcoŭ Božych budzieš bici:

Ciažka budzie ŭ świecie žyci,

Buduć klaści, jak lichoha,

Prasić śmiertuchny ad Boha.

Luli, synok, luli luli...

Bo ŭžo kurački pasnuli.

Tady matka prydzie ŭ hości, —

Syn prahonie stary kości,

Žabrujučy pojdzie ŭ wiosku,

Budzie prasić Matku Bosku,

Kab zabycca jej ab synie,

Kab nia wiedać, hdzie jon zhinie.

Luli, synok, luli, luli...

Bo ŭžo kurački pasnuli.

Oj nia budź ty lepiej panam,

Ni wialikim kapitanam, —

Budź čym matańka radziła,

Kab u hości nie chadziła,

Kab wiek z taboj wiekawała,

Harawała, pracawała...

Luli, synok, luli, luli.

Usie kurački pasnuli,

Oj pasnuli i kurčatki

Pad kryłami swajej matki...

---

1. Piražki, u siaredzinu jakich układajuć miasa, jabłyki, syr i h. p.