Dudka Biełaruskaja i Smyk Biełaruski (1930)/Smyk Biełaruski/Hora

← Udawa

Hora Верш Аўтар: Францішак Багушэвіч 1930 год

Až śmiajałasia saroka →

Іншыя публікацыі гэтага твора: Гора (Багушэвіч).

Прапануем да спампаваньня!

HORA.

* * *

Kab mnie hołas dobry mieć,

Kab mnie hora kudy dzieć,

Kab-ža hora Boh nia daŭ, —

Ja wiasioła-b zaśpiawaŭ.

Oj hora-ž majo!

---

* * *

Skłaŭ ja hora u akłunak,

Skłaŭ biadu swaju, frasunak,

Kinuŭ ŭ rečku až da dna, —

Pryjšło hora, jak što-dnia.

Oj hora-ž majo!

Ŭziaŭ ja hora dy ŭ anuču,

Kinuŭ ŭ połymia-ahoń,

Nijak hora nie zamučyŭ: —

Hora horam, jak štodzion.

Oj hora-ž majo!

Ŭziaŭ ja hora dy na wožy,

Zawioŭ ŭ les, skruciŭ da pnia, —

Zaŭtra hora, jak świet božy,

Ŭlezła ŭ chatu jak što-dnia.

Oj hora-ž majo!

Skłaŭ ja hora dy u doški,

Zakapaŭ u wielki roŭ,

Adyjšoŭ ad jamy troški,

Až u chacie hora znoŭ.

Oj hora-ž majo!

Zawiarnuŭšy u sałomu,

Hora ŭ łapać pałažyŭ,

Abuŭ łapać, zyjšoŭ z domu: —

Hora horam, — łapać zhniŭ.

Oj hora-ž majo!

Skłaŭ ja hora u tarbinu,

Až ŭ Ameryku adwioz, —

Dumaŭ: tut abo ja zhinu,

Abo z hora budzie los.

Oj hora-ž majo!

Dyk i tut niama pakoju:

Z horam loh i z horam ŭstaŭ;

Musić Boh jaho z dušoju

Razam woźmie, razam daŭ.

Oj hora-ž majo!

---