Dudka Biełaruskaja i Smyk Biełaruski (1930)/Smyk Biełaruski/Harcuj, tancuj, panie

← Čaho biažyš, mužyčok

Harcuj, tancuj, panie Верш Аўтар: Францішак Багушэвіч 1930 год

Kałychanka →

Іншыя публікацыі гэтага твора: Песня (Гарцуй, танцуй, пане…).

Прапануем да спампаваньня!

HARCUJ, TANCUJ, PANIE…

* * *

Harcuj, tancuj, panie, —

Tabie chleba stanie.

Skačy, kruci žwawa

Na lewa, na prawa!

Pradaj, pradaj niŭku —

Budzie na wypiŭku;

Pradaj, pradaj złydni —

Budzie na dwa tydni;

Pradaj žonku, dzieci —

Chwacie i na treci.

Pradaj les da dreŭka —

Budzie świeža dzieŭka.

Pradaj usio čysta —

Budzie srebnych trysta.

Pradaj swaju sławu,

Pradaj i Waršawu,

Pradaj čeść dočki

Za wina paŭbočki.

Bo pan budzie panam

Na wieki i amen!

Tancuj, harcuj, panie,

Poki duchu stanie.

---