Dudka Biełaruskaja i Smyk Biełaruski (1930)/Smyk Biełaruski/Až śmiajałasia saroka

← Hora

Až śmiajałasia saroka
Верш
Аўтар: Францішак Багушэвіч
1930 год

Іншыя публікацыі гэтага твора: Песня (Аж смяялася сарока…).

Прапануем да спампаваньня!

AŽ ŚMIAJAŁASIA SAROKA…

* * *

Až śmiajałasia saroka,

Jak zharala baba honi;

Zajac spudziŭsia ad woŭka,

Ad harby padochli koni.

Až lisicy zabrachali,

Jak mužyk hračychu rwaŭ, —

Waŭki połudzień zabrali,

Jak jon pieršy snop wiazaŭ.

Baba lulku kura ŭ chacie,

A mužyk piare kašuli,

Koń pasiecca na łapacie,

A na wierbie rastuć duli.

Oj, na prypiečku ŭ bałocie

Ławiŭ rybku haspadar,

A pry wyhanie na płocie

Chawaŭ hrošy arandar.

Oj, niawiestka ciešču lubie,

A syn baćku šanawaŭ,

Na sabaki zajac trubie,

Winny doŭh sam addawaŭ!