Dudka Biełaruskaja i Smyk Biełaruski (1930)/Dudka Biełaruskaja/Padarožnyja žydy

Padarožnyja žydy
Верш
Аўтар: Францішак Багушэвіч
1930 год

Іншыя публікацыі гэтага твора: Падарожныя жыды.

Прапануем да спампаваньня!

PADAROŽNYJA ŽYDY.

* * *

Što kruk kruku nia wydzieŭbaje woka,

To wiedama daŭno i wiedama daloka,

I hdzie krapčejšyja dziarucca,

Dyk słabšyja niachaj-ža nia sujucca!

Bo ŭžo čuby napeŭna što parwuć,

Kali jany adzin druhoha nie pajmuć.

Z dwuch miastečkaŭ dwa padwozcy

Dwuch žydoŭ wiaźli naproci;

Spatkalisia-ž na wuzieńkaj darožcy

I niwodzin nia ŭstupaje pa achwocie.

Toj kaža: „parcha ty wiazieš, darohu daj!“

A toj kryčyć: „ty pana mnie nia łaj,

Bo ja twajho i bić hatoŭ!“...

I bič smalony tut zawioŭ,

A toj u ruki dy bičyšča...

I zamachali tak, až świšča!

Žydki u prośbu, kab hadzicca.

Kudy tabie! — Ni prystupicca,

Tak bjuć, až kroŭ ciače žydam!

„Ty bješ majho, a ja twajmu addam!“

I moža-b tak na śmierć pabili,

Dyk chitra-ž i žydki zrabili:

Toj pierasieŭ tamu na woz, a toj tudy.

I tak zajechali abodwa biez biady,

I mužykom tak stała bližej domu,

I kryŭdy nijakoj nikomu.

Paznalisia žydki, pagiergietali,

Dyk mužyki i bicca pierastali!

A što? Kab tak i my zrabili,

A moža-by i nas nia bili?