Dudka Biełaruskaja i Smyk Biełaruski (1930)/Dudka Biełaruskaja/Durny mužyk, jak warona

← Maja dudka

Durny mužyk, jak warona Верш Аўтар: Францішак Багушэвіч 1930 год

Jak praŭdy šukajuć →

Іншыя публікацыі гэтага твора: Дурны мужык, як варона.

Прапануем да спампаваньня!

DURNY MUŽYK, JAK WARONA.

* * *

Ŭwieś świet kaža, bjeć u zwony:

„Durny mužyk, jak warona“.

Heta tyki sprawiadliwa:

Jon durniejšy ad warony;

I nia dziwa, — było-b dziwa,

Kab mužyk dy byŭ wučony.

Dyk kryčycie-ž, bijcie ŭ zwony:

Durny mužyk, jak warona.

Da nawuki jon nia braŭsia,

Zakasiŭsia, zaharaŭsia;

Durniem umre, jak radziŭsia,

Sam saboj durnym zrabiŭsia.

Wiedama, mužyk — chamuła, —

Ad nawuki adwiarnuła!

Dyk kryčycie-ž... (jak raniej).

Ci-ž nia durań, — mužyk heta:

Hare, sieje usio leta,

A jak pryjducca dažynki,

Niama zboža ni aśminki,

A daždaŭšy na Kalady,

Mužyki miakincy rady.

Dyk kryčycie-ž... (jak raniej).

---

* * *

Usiu zimku wozam ciahnie

Da wahzału rozna zbožža,

Nohi źmierznuć, sam zaśmiahnie,

A na chleb kažuch załoža,

Kab dažyć jak da krapiwy,

Aby ŭ pole wyjšaŭ žywy.

Dyk kryčycie-ž... (jak raniej).

Ad Piatra i da Jakuba

Jon kasoj machaŭ adrańnia:

Nakłaŭ stohaŭ, ludziam — luba,

U chacie-ž siena — ani zwańnia

Rawieć z hoładu skacina,

Choć kiń, biažy za wačyma!

Dyk kryčycie-ž... (jak raniej).

Hladzi, kaścioł až da nieba,

Wołaść blachaju pakryta!

Srebram skryje, kali treba,

Bo za heta jaho bita,

A sam žywieć ŭ mokraj jamie,

Dźwiery zatknuŭ anučami!

Dyk kryčycie-ž... (jak raniej).

Z kamarowy nos siakierku

Ściśnie, kreknie, zamachaje, —

Zrobić pušču, jak talerku,

Świet drawami zakidaje!

A u chacie zwaryć strawu

Paščapaje staru ławu!

Dyk kryčycie-ž... (jak raniej).

Hladzi, hory parazryty,

A čyhunkaj świet abwity:

Ŭsio z mužyckaj ciažkaj pracy,

Usie jeduć u pałacy;

U mužyka-ž niama bileta!

Ci-ž nia durań, mužyk heta?

Dyk kryčycie-ž, bijcie ŭ zwony:

Durny mužyk, jak warona!

---