Biełarus (1913)/1913/4/Światy Błażej Biskup Muczenik

← Kalendar kaścielny. Luty

Światy Błażej Biskup Muczenik Жыцьцяпіс Аўтар: Баляслаў Пачопка 31 студзеня 1913 году

Wiadomaści kaścielnyje →

Прапануем да спампаваньня!

Światy Błażej Biskup Muczenik.

Naradziǔsia św. Błażej i prawioǔ swaju moładaść u m. Sebasta u Armenii. Kali sława jaho światoha żyćcia szyroka razychodziłasia pa świecie, dyk miejscowyje chreścianie wybrali jaho na Biskupa hetaho-ż miesta i hety wialiki abawiazak swoj światy Błażej spaŭniaŭ jak najlepiej. Usie jaho wielmi lubili i zwaraczywalisia da jaho jak da najlepszaho baćki i apiekunawa ǔsich swaich patrebach. U hetym czasie car Rymu, uładziejuczy i Armenijej, — Dyoklecyjan, hostra praśledawaŭ chrścijanoǔ, a złaszcza ich duchoǔnych. Światy Błażej pa prosbie swaich duchoǔnych dziaciej, sciarahuczysia ad praśledawańnia, schawaŭsia miż harami ŭ pieczaru, dzie chreścijanie czasta jaho prawiedawali. Tam prabyǔ jon, pakul wojska Ahrikoli, miejscowaha hubernatora, nie naszło jaho, dy nie zawiało da śwoha naczalnika, katory nie zdaleŭszy prymusić Błażeja adraczysia ad praŭdziwaho Boha, prykazaŭ zapiorci jaho ŭ turmu. I ŭ turmie św. Błażej mieŭ rabotu; adnych jon umacowywaŭ u wiery św., druhich — nawuczaŭ i nawaraczywaŭ, dy z łaski Boskaj uzdaraŭlaŭ chworych.
Adno dzicia udawiłosia rybiaj kostkaj i ŭżo kanała, a ŭsie dachtary niczoha nie mahli pamachczy, kali-ż da światoha Błażeja prywiali, jon cudam uzdarawiŭ dzicia. Praz heta u dzień św. Błażeja paświaczajuć lon, katorym abwiazywajuć chworym szyi.
Kali-ż druhi i treci raz prywadzili Błażeja da hubernatara, a toj nia moh jaho uhawaryć złażyć achwiary bałwanom pahanskim, dyk toj prykazaŭ bić jaho rozhami, paśla żaleznymi hrebieniami jaho cieła razdzirali, a ŭreszci ściali haławu mieczam i hetakaj śmierciaj daŭ jon świadectwa praŭdzie wiery Chrystusa u paczatku IV wieku.

B. P.