Я кахаў

З пляцоўкі Вікікрыніцы
Jump to navigation Jump to search
Я кахаў
Верш
Аўтар: Уладзімір Жылка
Крыніца: http://rv-blr.com/vershu/view/3642


Я кахаў… Ах, калісьці даўно я кахаў!
Аж тады, калі моладасць ззяла ў вачах,
Калі гора і смутку я, дужы, не знаў
І адвага кіпела ў грудзях, —
Шчэ тады, аж тады я кахаў!..

Але збег і загінуў, як мара, той час:
Пагубляў я ўсе радасці год маладых
І сябе, і жыццё праклінаю не раз…
А цяпер, як у небе пас зор залатых,
На шляху маім свеціць той час.

(1920)

Глядзіце таксама[правіць]