Акрываўленая зямля (1930)/III/Я вітаю вясну новых дзён

← Але… спаткаліся, разышліся

Я вітаю вясну новых дзён Верш Аўтар: Паўлюк Шукайла 1930 год

Прапануем да спампаваньня!

Я ВІТАЮ ВЯСНУ НОВЫХ ДЗЕН

Я вітаю
Вясну
Новых дзён,
Росквіт шчасьця
Людзкога
Вітаю.
Хай гарыць,
Не згарае агонь
Ясных зорак,
Вясновага маю.

Ты-ж квітней,
Маладосьць мая!
Упівайцеся, вусны,
Вясною!
А я буду
Песьню сьпяваць
І гарэць
Чырвонай зарою.