Які ж то вецер буйны грае…

Які ж то вецер буйны грае... Верш Аўтар: Карусь Каганец

Крыніца: https://knihi.com/Karus_Kahaniec/Jaki_z_to_viecier_bujny_hraje.html

Прапануем да спампаваньня!

Які ж то вецер буйны грае

Ад Дзвіны, Сожы да Карпат?

Яко то ліха вызірае

І з тых мужыцкіх бедных хат?

Гэй жа ўраз! Гэй жа ўраз!

Гукнямо,

Каб усе сляпыя нас пазналі! (2)

Мы тыя, што ўсіх вас кормім,

За ўсіх вас церпімо;

Мы тыя хлопцы-радыкалы,

Што скінем цямноты ярмо.

Гэй жа ўраз! Гэй жа ўраз!

Гукнямо,

Каб усе сляпыя нас пазналі! (2)

Мы тыя бедныя рэкруты,

Гарматна мяса на вайну,

Каторых цар і доля люта

Жане за мора ў чужыну.

Гэй жа ўраз! Гэй жа ўраз!

Гукнямо,

Каб усе сляпыя нас пазналі! (2)

1905 г.