Якуб Колас (Тарас Гушча). Збор твораў/Дай зірну ў сваё аконца

З пляцоўкі Вікікрыніцы
Jump to navigation Jump to search
Тая-ж самая даль, той-жа самы разлог Дай зірну ў сваё аконца
Аўтар: Якуб Колас
1919
Песьня аб вясьне


Дай зірну ў сваё аконца -
Сьнег і сьнег вакол. Зіма.
І нейк цесна, бы ў палонцы,
Ўсё цяжэй зьвісае цьма.

Там, за ярам, лес дубовы
Чуць сінеецца скрозь бель.
Ня чутно ніякай мовы,
Ўсюды белая пасьцель.

І стаяць маўкліва хаты,
Ў яр уперліся двары.
Ўсё маўчыць, бы сон зацяты
Навялі тут ведзьмары.

Толькі зрэдка між крыжамі
Разгалосіцца ўдава
Ды ў яру дзесь вечарамі
Сьвішча жудасна сава.

1919 г.