Якуб Колас (Тарас Гушча). Збор твораў/Ўюцца думкі, томяць грудзі

З пляцоўкі Вікікрыніцы
Jump to navigation Jump to search
МЕСЯЦ Ўюцца думкі, томяць грудзі
Аўтар: Якуб Колас
1908
УСХОД СОНЦА


Ўюцца думкі, томяць грудзі —
Волі хочацца і ім, —
Хочуць песьняй стаць лагоднай,
Мілым дзіцяткам маім.

Цяжка з імі жыць замкнута,
У начной хаваць цішы,
Цесна думкам, цесна бедным,
Хочуць выліцца з душы.

Ўюцца думкі смутным роем,
Хочуць выбіцца на сьвет.
Дык ляцеце, сэрца дзеці,
На паперку кіньце сьлед!

1908 г.