Шляхам жыцьця (1923)/V/Падсякайце тое дрэва…

⁂ „Падсякайце тое дрэва“…
Верш
Аўтар: Янка Купала
1923 год

Іншыя публікацыі гэтага твора: Падсякайце тое дрэва…

Прапануем да спампаваньня!

∗ ∗
∗

Падсякайце тое дрэва,
Што ў корні ўсыхае;
Не уважайце таго сэрца,
Што жалю ня мае.

Страшце птушку, праз якую
Свойская загіне;
Забывайце песьню, што вам
Вораг ваш накіне.

Ой, гадуйце, падлівайце
Гай жывы, зялёны;
Сэрцу добраму давайце
Добрыя паклоны.

Паважайце тую птушку,
Што крыўды ня робе;
Ня чурайцесь роднай песьні
Ў шчасьці і ў жалобе.