Шляхам жыцьця (1923)/IV/На сенажаці

На сенажаці
Верш
Аўтар: Янка Купала
1923 год

Іншыя публікацыі гэтага твора: На сенажаці (Купала).

Прапануем да спампаваньня!

На сенажаці.

Чуць на небе зара
Занімаецца,
Ў курнай хаце мужык
Падымаецца,
Цягне сьвітку з пала
Прапацелую,
Цягне лапці з калка
Скарчанелыя.
І касу ён бярэ
Адкляпаную,
І жарсьцьвянку нясе
Дзераўляную.
Так на луг ён ідзе
Свой някошаны,
З песьняй топіць касу
Ў траве зрошанай.
Яго сілу ў касьбе
Відаць моцную,
Дый у песьні сьлязу
Чуць гаротнага…