Шляхам жыцьця (1923)/III/З табою…

← Ці ты чуеш?..

З табою… Верш Аўтар: Янка Купала 1923 год

Заручыны →

Іншыя публікацыі гэтага твора: З табою (Купала)

Прапануем да спампаваньня!

З табою…

З табою спаткаліся ў лесе:
Багун і чарнобель к нам слаўся:
Сьмяяўся пушчар, а у сьмесе
За ценем цень новы снаваўся.

За намі, прад намі снавалі
Павучныя, бледныя цені, —
Мяне у палац зазывалі,
Цябе у сьвятыя прадсені.

Сьвятая пасьцель небасхілу
Крывавай імглой заплывала,
Пасад заручальны магілай
Пуціна сьляпая хавала.

Пуціна была, мы і тую
Згубілі, як лепей — ня зналі:
Ці маем шукаці старую,
Ці к новай блукаціся далей?

---