Шляхам жыцьця (1923)/III/Доўгажданая

← Заручыны

Доўгажданая Верш Аўтар: Янка Купала 1923 год

Ты прыдзі… →

Іншыя публікацыі гэтага твора: Даўгажданая (Купала)

Прапануем да спампаваньня!

Доўгажданая.

Ты прышла ка мне тады,
Як зьвінелі халады,
Як стагнаў яловы плот,
Хохлік бегаў ля варот.

І сагрэла ты мяне
Ў палуцьме, у палусьне;
Паня ты была, я — пан…
Посьле зноў зацьвіў курган.

Ад мяне пашла тады,
Падганя́лі халады,
Скрыпам выў яловы плот,
Хохлік бегаў ля варот.

---