Шляхам жыцьця (1923)/II/Сёмуха

← З песень аб вясьне

Сёмуха Верш Аўтар: Янка Купала 1923 год

З летніх малюнкаў →

Іншыя публікацыі гэтага твора: Сёмуха (Купала)

Прапануем да спампаваньня!

Сёмуха.

Нарэшце па віхрах, па сцюжы
Заглянуў вясеньні прасьвет;
Ці чуеш, ці бачыш, мой дружа,
Як іншы, як лепшы стаў сьвет?
Ці бачыш, як неба міргае,
Як траўкай сьмяецца зямля?
Ці чуеш, што кум-лес нам бае?
Паймі, колькі ў рэчцы жыцьця.
А глянь ты на вёску на нашу,
На брацьцяў забытых у ей,
Я знаю, як доля іх страшна,
І колькі ім зводзе надзей,
Вот Сёмуху вышлі-спаткалі,
Надзелі сьвяточны убор,
Зялёнай галінкай уткалі
Святлічку і ганак, і двор.
І цешацца людзі, як дзеці;
Сягоньня труд скінуўся з рук,
Хоць заўтра на белым на сьвеце —
Ах, колькі чакае іх мукі!..

---