Шляхам жыцьця (1923)/II/З асеньніх напеваў/Сьцелюцца цэлы дзень росы

← „Кончыцца лета гарачае“…

„Сьцелюцца цэлы дзень росы“ Верш Аўтар: Янка Купала 1923 год

„Змоўклі лісьцястыя шэлесты“ →

Прапануем да спампаваньня!

2.

Сьцелюцца цэлы дзень росы,
Вечны цень сьпіць на зямлі,
Бледныя сонцавы косы
Выглянуць рэдка калі.
Здаля даносяцца шумы,
Ў коміне шумы пяюць;
Ціснуцца буднія думы,
Сноў забыцьця не даюць.
Нейкая эводная сіла
З выглядам вечна старым
Вабіць здалёку магілай,
Крыжам міргае сваім.