Шляхам жыцьця (1923)/I/Рвіся, думка!..

← Паляці, мая мысьль…

Рвіся, думка!.. Верш Аўтар: Янка Купала 1923 год

За свабоду сваю… →

Іншыя публікацыі гэтага твора: Рвіся, думка!..

Прапануем да спампаваньня!

Рвіся, думка!..

Покі старасьць неўдалая
Костак з ног ня вале,
Рвіся, думка маладая,
Туды, вышай, далей!
К таей праўдзе ненапраснай:
К шчасьцю і свабодзе;
Рвіся, покі будзе ясна,
Покі будзе годзе!
Гарапашна, непрасьветна
І ў душы і ў хаце,
Стане горай няпрыветна,
Калі будзем спаці.
Дык жывуча, скокам-бокам,
Покі сэрца точыш,
Рвіся, думка, ненарокам, —
Знойдзеш, чаго хочаш!
Рвіся! рвіся! дый старайся
Нуду адалеці,
Заглушыцца не давайся
Ні за што на сьвеце.

---