Шляхам жыцьця (1923)/I/Паляці, мая мысьль…

← Сваякам па гутарцы

Паляці, мая мысьль… Верш Аўтар: Янка Купала 1923 год

Рвіся, думка!.. →

Іншыя публікацыі гэтага твора: Паляці, мая мысль…

Прапануем да спампаваньня!

Паляці, мая мысьль…

Паляці, мая мысьль, лётам сокала
І прагледзь гэты сьвет кругом-вокала.
Лётам сьветлай зары панад стрэхамі —
Сып надзеяй жывой і пацехамі.
Пей аб волі людзям думкі цудныя,
Уміляй іх жыцьця сьцежкі трудныя.
Залатыя сны ім няхай рояцца,
Няхай жаль на душы супакоіцца.
Гоняць хай ад сябе цьмы нядольныя,
І рука у руку пойдуць вольныя.
Так ляці, эй ляці, мысьль свабодная!
А ты міла спаткай, зямля родная.

---