Шляхам жыцьця (1923)/I/Гора нядольнае

← Дзе ты, шчасьце маё?..

Гора нядольнае Верш Аўтар: Янка Купала 1923 год

У чужой старане →

Іншыя публікацыі гэтага твора: Легла на сэрцы гора нядольнае…

Прапануем да спампаваньня!

Гора нядольнае.

Легла на сэрцы гора нядольнае,
Легла і мучыць, гняце,
Ў думках замёрла жа̀льба нявольная,
Боль неспажыты цьвіце.

Дзе я ні кінуся, з песьняй ні вылету, —
Выхаду, сьцежкі няма…
Лёдам гасьцінец мой выбіты, выліты,
Лёд — як магіла сама.

---